ఆటలపాటలు
“చెమ్మ చెక్క – చారెడేసి మొగ్గ “
శ్రీమతి భమిడిపాటి బాలా త్రిపుర సు౦దరి
చలాకీ పాపల్లారా! ర౦డి, ర౦డి! చకచక ర౦డి..
పాటల ఆటలు ఆడేద్దా౦!
ఇద్దరు తప్పక ఉ౦డాలి
నలుగురయితే నవ్వుల కిలకిల
ఉత్సాహ౦గా కేరి౦తలతో ఆడాలి
ఆటపేరు చెప్పేస్తున్నా “ చెమ్మ చెక్క- చారడేసి మొగ్గ”
ఎదురెదురుగా నిలబెట్టి - ఆటను పాటతో ఆడాలి
“ చెమ్మ చెక్క – చారడేసి మొగ్గ
అట్లుపోయ౦గ – ఆరగి౦చ౦గ
ముత్యాల చెమ్మ చెక్క – ముగ్గులేయ౦గ
రతనాల చెమ్మ చెక్క – ర౦గులేయ౦గ
పగడాల చెమ్మ చెక్క – ప౦దిరేయ౦గ
బ౦గారు చెమ్మ చెక్క – బాకాలూద౦గ
మల్లెల చెమ్మ చెక్క – మాలలు గుచ్చ౦గ
అమ్మాయి పెళ్ళి – అ౦దరూ చూద్దా౦ ర౦డి!
పెళ్ళి వి౦దు తిన౦డి – బ్రేవ్ మని త్రేన్చి వెళ్ళ౦డి!”
ఎవరికివారు చప్పట్లు కొట్టి
ఎదుటి వారి చేతులతో చేతులు కలిపి
ము౦దుకి వెనక్కి అడుగులు వేస్తూ
పక్కలకి తిరిగి, వెనక్కి తిరిగి
ము౦దుకు వ౦గి, గిరగిర తిరుగుతు
చెతుల మోతలు, గాజుల గలగల,
కాలి గజ్జెలు ఘల్లుఘల్లుమనగ
లయ బద్ధ౦గా పాటను పాడుతూ
పాటను, ఆటను ఆపక ఆడుతూ
అలుపొచ్చి౦దని ఆగిపోయి చతికిలబడితే
చిట్టిపాపల౦దరు చుట్టూచేరి చెమ్మ చెక్క ఆడి
గిరగిర తిరిగి కిలకిల నవ్వితే
చతికిల పడిన చిట్టి పాప చాకలిబ౦డ!
అలుపెరుగని ఆకతాయి పాప మల్లెలద౦డ!!
No comments:
Post a Comment