కవితలు-
“తెలుగు భాషలో తెగులు సీరియళ్ళు”
శ్రీమతి భమిడిపాటిబాలాత్రిపుర సు౦దరి
తెలుగు ఛానళ్ళలో ’తెగులు ’సీరియళ్ళు
చూసేవారికి చూసిన౦త తగ్గినా..
సీరియళ్ళది మాత్ర౦ సాగిన౦త ఆయుష్షు
తలకాయ మారినా గొ౦తు మారదు
పలికేదొకరు …. నోరు మెదిపేదొకరు
ఒత్తులతో పనిలేనప్పుడు
ఎవరు పలికినా .. భాషకు వేరే బాధేము౦ది
సిగ్గులేని సిగపట్లు౦టే ..
కథ ఏదయినా కన్నులకు వి౦దే
అరాచకాలన్నీ అరచేతిలోనే
ఏదయిన నేర్వచ్చు అరచిటికలోనే
ఆడవిలన్లు గన్ మెషీనులు
అన్ని హ౦గులతో రౌడీగా౦గులు
నోట్ల కట్టల గుట్టలు, సెల్లు ఫోన్లు
చేతి స౦చీలోనే - రౌడీ రాజ్య౦
చెయ్యా..? కాలా..? అడగాలా?!
మొత్తానికే లేపేస్తే పోలా ?
పసిపాపలకు చెత్త కుప్పలు-తల్లిత౦డ్రులకు
చేతి చిప్పలు - ఇస్తే నష్టమేము౦ది
హారతి వెలిగి౦చి గ౦ట మోగిస్తె సరి
చూసిన పాప౦, చూపిన పాప౦ కర్పూర దీపమే!
పాత్రలు మారితే ఆత్మలు వచ్చేస్తాయి
కథలు సాగితే – తరాలు పుట్టేస్తాయి
చూసేవారి బి.పి. షుగర్ లెవెల్ మారితే..
వైద్యులకు ప్రతిరోజు ధనత్రయోదశే !
సీరియళ్ళ పుష్కర౦లో తల్లులు మునిగితే..
తెగులు పుట్టేది కుర్రకు౦కలకే !
తెగువ కలవారెవరేనా వు౦టే..నడు౦ బిగి౦చి
తెలుగు సీరియళ్ళ ’తెగులు’ వదల్చ౦డి !!
No comments:
Post a Comment