About Me

My photo
శ్రీమతి భమిడిపాటి బాలాత్రిపురసుoదరి పేరుతో బాల సాహితీవేత్తగా మీ అ౦దరికీ నేను పరిచయమే! నేను వెలువరిoచిన ముoగిటిముత్యాలు బాలల గేయ కావ్యo తెలుగుభాషోద్యమ కోణoలోoచి చేసిన ప్రసిధ్ధ రచన.ఇప్పటివరకూ 116 మహర్షుల చరిత్రలు,అవతారాల కథలు,అనే పరిశోధనాత్మక రచనలు,యోగి వేమన జీవిత చరిత్ర,బoగారుకలలు,కొత్తబ౦గారులోక౦ వ౦టి 15 పుస్తకాలు వెలువడ్డాయి. కృష్ణాజిల్లారచయితలసoఘo ద్వారా అనేక జాతీయసదస్సులకు నిర్వహణా బాధ్యతలు చేపట్టాను.తానా,అమెరికా వారి ఆధ్వర్యoలో జరిగిన సదస్సులో తెలుగువారి పoడుగలపైన నా పరిశోధనాపత్రo ప్రశoసలు పొoదిoది. 2010లో వoగూరు ఫౌoడేషన్ వారి అoతర్జాతీయ రచయిత్రుల మహాసభలలో బాలసాహిత్యమూ-రచయిత్రుల పాత్ర,.శ్రీ శ్రీ బాలసాహిత్యo వ౦టి పరిశోధనా పత్రాలు పలువురి ప్రశoసలు పొoదాయి. బoదరు డచ్ కోటలో జరిగిన కృష్ణాజిల్లా చారిత్రక వైభవo సదస్సులో కృష్ణాజిల్లా టెలీకమ్యూనికేషన్స్ పైన ప్రత్యేక ప్రసoగo చేశాను. నా కథలు, కవితలు , శీర్షికలు, సీరియల్సూ వివిథ వార, మాస పత్రికలలో నిర్విరామoగా వస్తున్నాయి.కనకదుర్గ ప్రభ,భక్తిసుధ,చిత్సుధ మొదలైన ఆధ్యాత్మిక పత్రికలలో కూడా తరచూ కనిపిస్తూ ఉoటాయి.ఉయ్యూరు సరసభారతి వారు,కైకలూరు సాహితీ మిత్రులు ఉగాది ఉత్తమ కవయిత్రి పురస్కారాన్ని అoదిoచి గౌరవిoచారు.విజయవాడ సిధ్ధార్థ మహిళా కళాశాల వారు నన్ను సత్కరిoచారు.వృత్తి రీత్యా విజయవాడ బిఎస్ఎన్ఎల్ లో సీనియర్ సూపర్ వైజర్ గా పనిచేస్తున్నాను.

భాష మిగలాలంటే అమ్మ మిగలాలి

29-08-2017 మాతృభాషాదినోత్సవం రోజు 120 మంది కవులతో జరిగిన కవిసమ్మేళనంలో చదివిన కవిత
భాష మిగలాలంటే అమ్మ  మిగలాలి
సౌజన్యం, దాక్షిణ్యం, నిస్వార్ధం అనేది నిజమైన సంస్కృతి.  
దౌర్జ్యన్యం, నిర్దాక్షిణ్యం, స్వార్ధం కుసంస్కృతి
ఉపయోగించే సాధనాలు, వస్తువులు నాగరికతని సూచిస్తాయి
ఆలోచనలు, సాహిత్యం, వేదాంతం, మతం, సంస్కృతిని ప్రతిబింబిస్తాయి
సాంఘికంగా ఎప్పటి పరిస్థితులు అప్పటివే!
సంప్రదాయ సంపదని స్థిరస్తిగా తరతరాలకి అందిస్తున్నవాళ్ళు అమ్మలు
సంగీతం, నృత్యం, ఆటలు, వంటలు, గేయాలు, సామెతలు, పొడుపు కథలు
పురాణ శ్రవణం, పండుగలు, వ్రతాలు, నోములు, ఉత్సవాలతో కలిసి జీవించడం
పూర్వ ఆచారాల సారమే సంప్రదాయం!
అక్షరం ముక్కకి నోచుకోపోయినా... జీవితంలో జరిగే మంచి చెడ్డల్ని, విధి విధానాల్ని
పాటల రూపంలో పాడుకుంటూ .. పిల్లలకి బ్రతుకు తెరువు నేర్పడం కోసం
నిలబెట్టే  క్రమశిక్షణే... సమాజ శ్రేయస్సుకి అమ్మలు వేస్తున్న బాట!
సంస్కృతీ సంప్రదాయాలు అనేక శతాబ్దాల విలువలకి ప్రతీకలు...
జీవన సరళి మారుతుంది ... ధర్మం మారదు!
పునాదులు గట్టిగా ఉండాలంటే... విలువలు తెలియాలి
దేశ ఉన్నతికి కారణం ఆచారాలు, కట్టుబాట్లు... వాటి వల్ల కలిగే రక్షణే!
సదాచారం, సంప్రదాయం, సంస్కృతి పట్ల కలిగి ఉండే విశ్వాసం ఆస్తికత
మంచి పనులు చెయ్యడం, శుచిగా, ఓర్పుగా ఉండడం, పెద్దల్ని గౌరవించడం
దాన ధర్మాలు చెయ్యడం, తమకు తాముగా నేర్చుకుని తరతరాలకు అందిస్తారు...
తల్లిగా, ఇల్లాలిగా, బాధ్యత గల మహిళలుగా ప్రతి ఇంట విలసిల్లాలని ఆశిస్తారు
భారత సంతతి ఎక్కడ ఉంటుందో... అక్కడ  సంస్కృతి సంప్రదాయాలు అల్లుకుపోతాయి
జాతి నిలబడాలంటే సంస్కృతీ సంప్రదాయాలు కొలమానం కాదు...
జాతిని తెలియచేసేది భాష...దాన్ని అనుసరించి నడిచేవే సంస్కృతి సంప్రదాయాలు
వినబడాలి ఇంటింట అమ్మ భాష ... ప్రతిధ్వనించాలి ఇంటింట అమ్మ నాన్నల పిలుపు
అమ్మభాషని నిలబెట్టగలిగేది అమ్మలే...గడప గడపకి తెలుగు తోరణం కట్టాలి
అన్ని గడపలు కలిసి ఉద్యమించాలి...పరదేశం, పరభాష వదిలిపెట్టాలి...
మన పిల్లలు మనదేశానికే పౌరులుగా ఉండాలి!
అమ్మ భాష వదిలి.. పరభాష నేర్చి.. పరదేశం వెడితే...అమ్మ కూడా పరాయిదే!
సంస్కృతి సంప్రదాయలతో పాటు అమ్మ భాషని కాపాడండి...

మమ్మీలుగా కాదు...అమ్మలుగా మిగలండి!! 

No comments:

Post a Comment