2017 మే నెల 14వ తేదీన ఆంధ్రప్రదేశ్ శతాధిక కవి సమ్మేళనంలోచదివిన కవిత బాల్యాన్ని రక్షించండి! భమిడిపాటి బలాత్రిపురసుందరి కనుమరుగవుతోంది బాల్యం.. చెప్పుకోడానికే ఈ ప్రయత్నం.. అమ్మ వైపే చూస్తూ నేర్చుకున్న వచ్చీరాని మాటలు! మురిపెంతో నవ్విన అమ్మ మీద కోపంతో మూతి బిగింపు నచ్చినట్టు చెయ్యకపోతే.. అరచేత్తో మొహం మీద అచ్చులు! అందరితో యుద్ధం.. ఓడిపోతే ఏడుపుతోనే గెలుపు! నేలమీద పాకడం.. కాళ్ళు చాపుకుని కూర్చోడం.. తప్పటడుగులు వెయ్యడం.. గడపలు దాటడం.. బుడిబుడి నడకలు! పక్షుల్ని చూసి కిలకిలలు.. పువ్వుల్ని చూసి కేరింతలు పిల్లి కుక్కలు స్నేహితులు... రంగులు కనిపిస్తే కళ్ళల్లో మెరుపే! ప్రకృతితో స్నేహం... వర్షపు చినుకులు చేతిలో పడితే పరవశం ఇది అమ్మ నాన్నలతో అందాలొలికే అపురూపమైన పసితనం !! పాకడం నుంచి నడకలు, పదాల నుంచి పాఠాలు, అమ్మనాన్నల నుంచి గురువులు, కుటుంబసభ్యుల నుంచి స్నేహితులు! బడిలో పాఠాలు, మార్కులు, తోటి పిల్లల మధ్య పోటీలు ఆటలు, పాటలు, పరుగులు, పందాలు! ప్రకృతితో స్నేహం! *అరె, ఒరె పలకరింపులు.. ఆత్మీయతతో స్నేహాన్ని పెంచడం అల్లరి, ఆగడం.. అనుకున్నదే చెయ్యడం.. ఆనక దెబ్బలు తినడం.. నేటి సమాజంలో బాలలకి కనుమరుగవుతోంది ఈ బాల్యం! ఆరు సంవత్సరాల వయసుకే.. జంటలుగా మార్చేస్తూ.. *బాల్యాన్ని హరిస్తూ... పదహారేళ్ళ ప్రాయంలోకి పట్టుబట్టి దూకిస్తుంటే లేని అవయవాల్ని ఉన్నట్టు చూపిస్తూ.. హావభావాలతో అందర్నీ అలరిస్తూ.. టీవీ లో కనిపిస్తున్నామని సంబరపడుతూ.. చెలరేగి ఆడుతుండగానే వెక్కిరిస్తూ వెళ్ళిపోతోంది బాల్యం...! కరిగిపోయిన బాల్యం తిరిగి రాదని తెలుసుకోలేని అమాయకత్వం బాలలది! అమ్మ

          

2017 మే నెల 14వ తేదీన ఆంధ్రప్రదేశ్ శతాధిక కవి సమ్మేళనంలోచదివిన కవిత

  బాల్యాన్ని రక్షించండి!                                  

కనుమరుగవుతోంది  బాల్యం.. చెప్పుకోడానికే ఈ ప్రయత్నం..

అమ్మ వైపే చూస్తూ నేర్చుకున్న వచ్చీరాని మాటలు!

మురిపెంతో నవ్విన అమ్మ మీద కోపంతో మూతి బిగింపు

నచ్చినట్టు చెయ్యకపోతే.. అరచేత్తో మొహం మీద అచ్చులు!

అందరితో యుద్ధం.. ఓడిపోతే ఏడుపుతోనే  గెలుపు!

నేలమీద పాకడం.. కాళ్ళు చాపుకుని కూర్చోడం..

తప్పటడుగులు వెయ్యడం.. గడపలు దాటడం.. బుడిబుడి నడకలు!

పక్షుల్ని చూసి కిలకిలలు.. పువ్వుల్ని చూసి కేరింతలు

పిల్లి కుక్కలు స్నేహితులు... రంగులు కనిపిస్తే కళ్ళల్లో మెరుపే!

ప్రకృతితో స్నేహం... వర్షపు చినుకులు చేతిలో పడితే పరవశం

ఇది అమ్మ నాన్నలతో అందాలొలికే అపురూపమైన పసితనం !!

పాకడం నుంచి నడకలు, పదాల నుంచి పాఠాలు,

అమ్మనాన్నల నుంచి గురువులు, కుటుంబసభ్యుల నుంచి స్నేహితులు!

బడిలో పాఠాలు, మార్కులు, తోటి పిల్లల మధ్య పోటీలు

ఆటలు, పాటలు, పరుగులు, పందాలు! ప్రకృతితో స్నేహం!

*అరె, ఒరె పలకరింపులు.. ఆత్మీయతతో స్నేహాన్ని పెంచడం

అల్లరి, ఆగడం.. అనుకున్నదే చెయ్యడం.. ఆనక దెబ్బలు తినడం..

నేటి సమాజంలో బాలలకి కనుమరుగవుతోంది ఈ బాల్యం!

ఆరు సంవత్సరాల వయసుకే.. జంటలుగా మార్చేస్తూ..

*బాల్యాన్ని హరిస్తూ... పదహారేళ్ళ ప్రాయంలోకి పట్టుబట్టి దూకిస్తుంటే

లేని అవయవాల్ని ఉన్నట్టు చూపిస్తూ.. హావభావాలతో అందర్నీ అలరిస్తూ..

టీవీ లో కనిపిస్తున్నామని సంబరపడుతూ.. చెలరేగి ఆడుతుండగానే

వెక్కిరిస్తూ వెళ్ళిపోతోంది బాల్యం...!  కరిగిపోయిన బాల్యం తిరిగి రాదని

తెలుసుకోలేని అమాయకత్వం బాలలది! అమ్మలారా! తెలుసుకోండి!

మంచి కథల పుస్తకాల్ని చదివించండి! బాలల బాల్యాన్ని కాపాడండి!!